“Шарқ ижтимоий фанлар журнали” ижтимоий фанларига ихтисослашган нашр бўлиб, филология, педагогика, тарих, фалсафа, маданиятшунослик, сиёсат, иқтисод соҳаларидаги илмий-амалий инновацион янгиликларни ҳар томонлама ёритишни, журналхонларнинг ижтимоий-гуманитар соҳадаги фанларда кузатилаётган илмий янгилик ва ахборотларга бўлган талаб-эҳтиёжларини янада тўлароқ қондиришни, журнал имкониятларидан кенг ва самарали фойдаланишни ўз олдига асосий мақсад қилиб қўяди. Ижтимоий соҳада олиб борилаётган долзарб, янги, илм учун самарадор ҳисобланган ва тақриздан ўтказган маълумотларни оммага эълон қилишни энг асосий вазифалардан ҳисобланади.

Мазкур илмий журнал онлайн нашр қилинадиган бўлиб, йилига 6 марта ўзбек, инглиз, рус тилларида онлайн эълон қилинади.

Таҳририят ўқувчиларни мамлакатимиз ва халқаро ижтимоий-гуманитар фанлар соҳасида рўй бераётган воқеа ва ҳодисалардан, янгиликлардан хабардор этади. Шу билан бирга журналда мамлакатимиз, шунингдек, жаҳон филологияси, педагогикаси, тарихи, фалсафаси, маданиятшунослиги, сиёсати, иқтисодиёти намоёндаларининг  илмий-публицистик йўналишдаги энг сара асарлари чоп этилади.